Di êrîsa Îsraîlê de li Iraq û Sûriyê 14 çekdarên Îranî hatin kustin

PeyamaKurd - Di êrîşa balafirên Îsraîlê ya bi ser binkeyên hêzên Îranî û Iraqî de, 14 çekdarên hêzên îranî li Sûriyê hatin kuştin.

Çavdêriya Sûrî ya Mafên Mirovan (SOHR) ragihand ku balafirên Îsraîlê binkeyên mîlîşayên ser bi Îran û Iraqê ve li beyabana Qoriye, Meyadîn û Salihiyê li derdora Dêrazorê bombebaran kirin.

Li gorî ragihandina SOHRê di êrîşê de 14 çekdarên Îranî û Iraqî hatin kuştin û bi dehan çekdar jî birîndar bûn ku ji ber xedariya birînên çekdar dibe hejmara miriyan zêdetir bibe.

Herwiha SOHRê da xuyakirin ku şeva borî jî balafirên Îsraîlê binkeyên hêzên Îranê û komgehên çek û cebilxaneyên wan li Kargehên Bervaniyê li başûrê Helebê bombebaran kirine.

Ji aliyê xwe ve ajansa “SANA” a fermî belav kir, sîstema Sûriyê ya berevaniyê rûbirûyî êrîşeke esmanî ya Îsraîlê bû û hejmarek mûşekên wan xistin xwarê.