Efrîn | Bavek û kurê wî ji aliyên çekdaran ve hatin revandin

PeyamaKurd – Bavek û kurê wî, ji aliyên çekdarên girêdayî artêşa Tirkiyê ve, li ser rêbendeke bajarê Efrînê hatin revandin.

Rêxistina Mafên Mirova ya li Efrînê belav kir, koma çekdar a bi navê “Polîsê Azad” roja 12ê Mijdarê Ebdulrehman Hesen û kurê wî Rodî revandin.

Rêxistinê herwiha da zanîn, Ebdulrehman Hesen û kurê wî Rodî, ji gundê Yalanqozê yê navçeya Cindirêsê ne û dema diçûn nexweşxaneyeke Ezazê, li rêbenda Qos a bajarê Efrînê hatin revandin.

Herî dawî destnîşan kir, ew her du bi tohmeta ku pêwendiya wan bi Rêveberiya Xweser re hebûn hatine revandin û heta niha çarenivîsa wan ne diyar e.