Fox News: Hêzeke Çeçen li dijî Rûsyayê serê serxwebûnê dide destpêkirin

PeyamaKurd – Hêza Çeçen a bi navê Tabûra Şêx Mansûr ragihand ku ew amadekariyê dikin li ser axa Çeçenistanê şerê Rûsyayê bikin.

Li gorî daxuyaniya wê koma Çeçen ku di şerê Rûsya-Ukrayna de, li kêleka Ukraynayê cî digirin, ew dê li nav erda Rûsyayê jî eniyên şer vekin û şerê Rûsyayê bikin.

Fox News a Amerîkî bi zarê Berdevkê Hêza Çeçen Îslam Belokyev ragihandiye ku ew ji nû ve li ser planên serxwebûna Çeçenistanê dixebitin û amadekariya şerê Rûsyayê dikin.

Îslam Belokyev herwiha daye xuyakirn ku kordînatên baregehên rûsî yên dijmin di destê wan de hene û wan ji bo êrîşê 3 enî û 16 herêmên şer diyar kiriye.

Belokyev, amadekariyên xebatên çekdarbûnê  bibîr xistin û got ku wê gelê Rûs jî di berxwendanê de piştevaniya wan bike.

Hêjayî gotinê ye, li Ukraynayê du komên Çeçen ên Şêx Mansur û Cewher Dudayev li dijî hêzên Rûsyayê şer dikin, lê hêza Ramazan Kadîrov jî piştevanê herî xurt ê Rûsyayê ye.