Hakan Fîdan: Heke HSD di tevlîbûna rêveberiya Sûriyê de samîmî ye, divê xwe fesih bike

PeyamaKurd - Wezîrê Karên Derve yê Tirkiyeyê Hakan Fîdan, beşdarî civîna li ser Sûriyê ya Rîyadê bû ku bi beşdariya wezîrên karên derve yên Lîga Ereb - Erebistana Siûdî, Sûriye, Behreyn, Misir, Iraq, Urdun, Kuweyt, Lubnan, Oman, Qeter û Emîratên Erebî yên Yekbûyî (EEY) hate lidarxistin.

Fîdan, di civîna bi welatên Erebî re de got ku ew wek welatên herêmê berpirsiyariya herî mezin ji bo pêşvebirina rêveberiya Sûriyê digrin ser xwe.

Wezîrê Tirk Fîdan diyar kir ku divê yekparçeyî û yekîtiya axa Sûriyê bê parastin û da bang li HSDê kir: "Eger 'HSD' di hewldanên xwe yên tevlîbûna rêveberiya navendî re samîmî be, divê fesihkirina xwe ragihîne. Rêxistina terorê li rojhilatê Firatê hê jî gefeke cidî ye, ji bo piraniya Ereban û talana çavkaniyên xwezayî yên ku pêwîstiya gelê Sûriyê pê heye didomîne."

Fîdan tekez kir, ew dikarin bi hev re bixebitin ji bo kapasîteya rêveberiya nû ya têkoşîna bi bandor li dijî DAIŞê xurt bikin û got: "Em wek Tirkiye amade ne ku kar bikin ji bo hêsankirina riya dijwar a li pêşiya gelê Sûriyê."