Hevdîtinên tevlîbûna nav Rêveberiya Xweser û mijara leskerî dest pê kirin

PeyamaKurd – Hat ragihandin ku hevdîtinên navbera aliyên Kurdî li Rojavayê Kurdistanê piştî lihevkirina li ser Lêvegera Kurd a Bilind careke din dest pê kirin.

Li gorî zanyariyan di civînên vê qonaxê de, mijarên rêveberiyê û ewlehiyê têne gotûbêjkirin.

Piştî lihevkirina herdu aliyên ENKS û PYNK li ser Lêvegera Kurd a Bilind, hevdîtinên qonaxa duyem di bin sîwana Rêkeftina Qamişlo ya bi navbeynkariya Amerîka û Fermandarê Giştî yê HSDê Mezlûm Ebdî de berdewam dikin.

Li gorî çavkaniyan di danûstandinên vê carê de, gotûbêj li ser tevlîbûna ENKSê di nava Rêveberiya Xweser de û Ewlehiyê (leşkerî) têne kirin.

Fermandarê Giştî yê HSDê Mezlûm Ebdî, doh di hevpeyvînekê de diyar kiribû, di yekrêziya Kurdî de gavên dîrokî têne avêtin.