"Hikûmeta Herêma Kurdistanê derfetên gelek bas ji bo sermayedarên biyanî pêskês kirin"

PeyamaKurd – Cîgirê Serokê Karûbarên Rojhilata Navîn li Odeya Bazirganî ya Amerîkayê Steve Lutes got: "Em hizir dikin ku zêdetir li Herêma Kurdistanê kar bikin û hemahengiya xwe zêde bikin."

Cîgirê Serok Lutes ji K24ê re diyar kir ku li Washingtonê bi Serokwezîr Mesrûr Barzanî re hevdîtin pêk anîne û got, "Em hizir dikin ku li Herêma Kurdistanê zêdetir kar bikin û hevahengiya xwe zêde bikin. Em dixwazin alîkariya kompaniyên zêdetir bikin ku werin Herêma Kurdistanê û aborî û çavkaniyên dahatê cuda bikin. ."

Cîgirê Serokê Karûbarên Rojhilata Navîn li Odeya Bazirganî ya Amerîkayê Lutes diyar kir ku armanca wan ew e ku di çarçoveya plana Serokwezîr Mesrûr Barzanî ya ji bo cudakirina çavkaniyên dahatê de derfetên zêdetir li Herêma Kurdistanê bi dest bixin û got, "Hikûmeta Herêma Kurdistanê. Derfetên gelek baş ji bo sermayedarên biyanî dabîn kiriye.” Herwiha got: “Erka serokwezîr Mesrûr Barzanî di warê çandinî û cudakirina dahatê de gelek giringe, em pêşwazî li wê yekê dikin.”

Lutes bal kişand ser wê yekê ku jîngeha Herêma Kurdistanê li gorî Iraqê ji bo cîhana bazirganiyê gelek xweştir e û got, "Derfetên gelek baş hene (li Herêma Kurdistanê), prosedurên yasayî jî pir baş in, kompanî dikarin proje û veberhênanên baştir bikin. Serokwezîr Mesrûr Barzanî û wezîrên di kabîneya hikûmetê de îstiqrara siyasî ya gelek baş li Herêma Kurdistanê misoger kirin ku ev yek bi awayekî erênî di warê bazirganî û sermayeguzariyê de derket."