Hilbijartinên Kurdistanê | PDK 40 kursiyên parlamentoyê bi dest ve tîne

PeyamaKurd –  Li gorî encamên destpêkê yên nefermî, Partiya Demokrata Kurdistanê (PDK) di hilbijartinên Parlamentoya Kurdistanê de zêdetir ji 790 hezar deng bi dest xistin.

Duh yekşemê 20ê cotmeha 2024an, ji saet 7:00ê sibehê heta 18:00ê êvarê, maweya  dengdana giştî ya hilbijartinên dewra 6emîn a Parlementoya Herêma Kurdistanê bi dawî hat ku li  Hewlêr, Silêmanî, Dihok û Helebceyê pêk hatin.

Rêjeya beşdarbûna hilbijartinê, wekî ji sedî 72 hate ragihandin. Li gorî encamên destpêkê yên nefermî, hejmara kursiyên partiyan bi dest xistine, hatin belavkirin.

Li gorî van encamên destpêkê yên nefermî belavbûna kursiyan bi vî awayî ye:

1. Partiya Demokrat a Kurdistanê (PDK): 40 kursî
2. Yekîtiya Niştimaniya Kurdistanê (YNK): 22 kursî
3. Tevgera Newey Niwê (Nifşê Nû): 15 kursî
4. Yekgirtûya Îslamî ya Kurdistanê (Yekgirtû): 7 kursî
5. Tevgera Helwêst: 4 kursî
6. Komeleya Dadgeriya Kurdistanê (Komel): 3 kursî
7. Eniya populer: 2 kursî
8. Tevgera Goran: 1 kursî
9. Hevpeymaniya Herêma Kurdistanê: 1 kursî
10. Ramî Nûri Odîş Daniel: 1 kursî
11. James Hasdu Hidu: 1 kursî
12. Necded Nûrî Mihemed: 1 kursî
13. Dana Amanc Necîb: 1 kursî
14. Mûna Kahvecî: 1 kursî