Hisyariya Rêveberiya Polîsên Hewlêrê: Gule berdana hewayê qedexe ye

PeyamaKurd – Hat ragihandin ku piştî bidawîbûna proseya hilbijartinan li Hewlêr û derdora wê, bi her awayî gule berdana hewayê qedexe ye.

Îro Yekşemê 20.10.2024ê rêveberiya polîsê Hewlêrê di daxuyaniyekê de ragihand ku piştî bi aramî bidawîhatina proseya hilbijartinan li Hewlêr û derdora wê, gullereşandina li hewa bi her awayî qedexe ye û destûr nayê dayîn ku kêfxweşiya xwe diyar bike.

Hat balkişandin ku li dijî her kesê ku li gorî biryarê tevnegere û biryarê binpê bike wê rêyên qanûnî bê girtin û bên desteserkirin.

Di daxuyaniyê de bang li hemû aliyan hat kirin ku aramî û ewlehiya welatiyan biparêzin.

Îro di saet 07.00ê proseya dengdana giştî di çarçoveya hilbijartinên dewra şeşan a Parlamentoya Kurdistanê de destpê kir. 2 milyon û 686 hezar û 578 dengder li 4 herêmên hilbijartinan Hewlêr, Duhok, Silêmanî û Helebce mafê dengdanê hene.