Hosyar Zêbarî: Girtina 3 partiyên ser bi PKKê biryareke aqilane ye

PeyamaKurd – Endamê Polîtburoya Partiya Demokrata Kurdistanê (PDK) Hoşyar Zêbarî biryara Desteya Dadweriya Hilbijartinan a li ser qedexekirina 3 partiyên nêzîkî PKKê ji hilbijartinên gera şeşem a parlamentoyê bi biryareke rast û aqilane nirxand.

Zêbarî di nivîsa xwe ya li ser hesabê xwe yê medyaya civakî Xê de biryara Encûmena Dadwerî nirxand û wiha got:

“Biryara Lijneya Dadwerî ya Hilbijartinan a qedexekirina 3 partiyên nêzîkî PKKê ji bo hilbijartinên tûra şeşemîn a Parlamentoya Kurdistanê, biryareke rast û aqilane ye. Ji ber ku bûne şaneya penceşêrê di laşê Herêma Kurdistanê û tevahiya Iraqê de û bûne hêmaneke ne aramî û aloziyê.”

Li gorî biryara Encumena Bilind a Dadwerî ya Iraqê ku di 1ê Tebaxê de li ser daxwaz û giliya Musteşariya Ewlehiya Neteweyî ya Iraqê hatiye standin, çalakiyên partiyên bi navê “Êzidî Demokrat û Azadî”, “Eniya Têkoşîna Demokratîk” û “Tevgera Azadî "Yên ku girêdayî PKKê ne, ji ber têkiliya wan a bi PKKê re hatin qedexekirin. Eşyayên wan wê bên desteserkirin.

Di biryarê de hat ragihandin ku agahiyên têkildarî têkiliyên partiyan bi PKKê re ji aliyê Îstixbarata Iraqê û Ofîsa Serokwezîrtiyê ve hatine piştrastkirin.