HUDA PARê li Batmanê ji bo dersa bijarte ya Kurdî mesek li dar xist

PeyamaKurd – Berdevkê Partiya Doza Azad (HUDA PAR) li Parlamentoya Tirkiyeyê û namzedê hilbijartinên şaredariya bajarê Batmanê yê Bakurê Kurdistanê Serkan Ramanli, îro 9ê Sibatê ji bo balkişandina ser hilbijartina dersa Kurd di dibistanan de, li navenda bajarê Batmanê meşeke bi cil û bergên Kurdî li dar xist.

Serkan Ramanli û kesên ligel wî meşiyan bi cil û bergên Kurdî broşurên ji bo hilbijartina dersên Kurdî di dibistanan de belav kirin û daxwaz ji welatiyan kirin ji bo zarokên xwe dersên Kurdî yên bijarte hilbijêrin.

Ramanli piştî meşê li ser hesabê xwe yê Xê parvekirinek kir û got: “Zimanê me, Bi xeml û rewş e, Şîrîn û xweş e.”

Em ji bo zimanê xweyî zikmakî di meşin.

Ana dilimiz için yürüyoruz.

Milletvekilimiz ve Belediye Başkan adayımız Sayın Serkan Ramanlı, İl Başkanımız Sayın Davut Şahin ile birlikte yöresel kıyafetleri ile Kürtçe anadil için yürüdüler… pic.twitter.com/PdGXR5eioJ

— HÜDA PAR Batman (@HudaParBatman_) February 9, 2024

Hêjayî bibîrxistinê ye, li Tirkiye û Bakurê Kurdistanê serlêdanên bo hilbijartina dersên bijarte yên Kurdî di sala perwerdeyê ya 2024-2025an de, ji bo dibistanên amadehiyê 30yê Çiliyê dest pê kir û heta 12ê Sibatê dewam dike.