Îdîaya krîza nû ya di navbera Tirkiye û Rûsyayê de!

PeyamaKurd – Hat îdiakirin ku bi nêzîkbûna sala 2024an di navbera Tirkiye û Rûsyayê de krîzek nû derketiye.

Şerê di navbera Rûsya û Ukraynayê de ev nêzî 2 sal in didome, îdiayeke metirsîdar hat kirin.

Şîrketa medyayê Tencent ku navenda wê li Çînê ye, diyar kir ku di navbera Enqere û Moskowê de alozî zêde bûye. Sedema vê yekê jî biryara Enqereyê ya ku di hefteyên dawî de rê dide keştiyên keşifkirina mayin û îmhayê yên çîna Sandown ku ji aliyê hêzên deryayî yên Îngilîstanê ve tên bikaranîn, ji Tengava derbas bibin hate binavkirin.

Çapemeniya Çînê jî nivîsand ku ev pêngava Tirkiyeyê ya ji bo Deryaya Reş û Tengava avêtiye berteka Rûsyayê jî kişandiye. Di daxuyaniyê de hat gotin, "Ev rewş ji bo têkiliyên aloz ên di navbera Tirkiye û Rûsyayê de xaleke girîng e. Çapemeniya Çînê diyar kir ku ev pêngava Tirkiyeyê ya ku bi Peymana Montreuxê tengava ji keştiyên şer re girtiye, sosret e û got, "Biryara Tirkiyeyê ya derbasbûna keştiya pola Sandown li hemberî Rûsyayê gaveke bêhiş bû. Xuya ye ku Serokomarê Rûsyayê ji vê geşedanê pir aciz bûye."

Ji aliyê din ve hat bibîrxistin ku Tirkiye di bin hin şert û mercan de destûr daye ku keştiyên şer ên Rûsyayê derbas bibin û wiha hat gotin, "Rayedarên Rûsyayê tercîh kirin ku bi eşkereyî bersivê nedin vê geşedanê. Xuya ye ku Moskow bi zanebûn xwe ji zêdekirina vê rageşiyê dûr dixe. Pûtîn ji ber vê yekê hêrs bû. Herwiha hat îdiakirin ku Pûtîn ji tevgerên Erdogan hêrs bûye û dibe ku di hevdîtinên wan ên yek bi yek de bersivê bide.” Çapemeniya Çînê diyar kir, "Tirkiyeyê xencer li pişta Rûsyayê xist."