Îdiaya tifaqê di rojevê de bû: Daxuyaniya DEVAyê ya HDPê!

PeyamaKurd – Alîkarê Serokê Giştî yê Partiya Demokrasî û Atilimê (DEVA) Mehmet Emîn Ekmen, diyar kir ku wan li pişt deriyên girtî bi HDPê re hevdîtin pêk neaniye û li pêşberî raya giştî di asta rêveber û cîgiran de hevdîtinên zelal pêk tînin.

'Em bi dizî hevdîtinê nakin'

Ekmen polîtîkayên partiya xwe yên li ser pirsgirêka Kurd û perwerdeya zimanê zikmakî eşkere kir.

Mehmet Emîn Ekmen got, "Em bi HDPê re eşkere li ber kamerayan hevdîtinan dikin."

Ekmen bertek nîşanî îdiayên ku HDP ji ber doza li Dadgeha Destûra Bingehîn bê girtin wê ji lîsteyên DEVAyê bikevin hilbijartinê jî da û got, ev ne rast e û diyar kir: “Em di wê baweriyê de ne ku pênaseya hemwelatîbûnê di Destûra bingehîn hemû komên etnîkî, olî û baweriyê digire nava xwe, em pêşniyar dikin ku ji nû ve bê rêxistinkirin.”

Ekmen got, “Em weke serok û cîgirên birêz, ne bi dizî li pêş kamerayan bi HDPê re hevdîtinan dikin” û wiha dewam kir: “Em li ser rojev, pirsgirêk û hewcedariyên Tirkiyeyê diaxivin, fikrên parve dikin, lê di derbarê doza girtina HDPê de, ez hêvî dikim ku neyê girtin - Li ser îttîfaq çêbibe yan na nîqaş nayê kirin."

Zimanê zikmakî Kurdî

Ji Partiya DEVA Ekmen jî li ser perwerdehiya zimanê Kurdî axivî û wiha got:

“Daxwaza me nîne ku zimanê Kurdî bibe zimanê fermî. Di xala 2. ya makezagonê de zimanê fermî wek Tirkî hatiye diyarkirin. Em di xala 42. ya makezagonê de qedexeya bikaranîna zimanê zikmakî ya di perwerdeyê de radikin. Ev qedexeyek e ku hemû beşan, bi taybetî Kurd, Laz, Gurcî, Çerkez û Ereban dihewîne.

Îro tu dikarî li Tirkiyê Îngilîzî yan Fransî bixwînî, lê tu nikarî Kurdî bixwînî. Ji ber vê yekê em vê qedexeyê radikin, rakirina qedexeya di vê perwerdeyê de jî bi zimanê fermî re tu eleqeya xwe bi zimanê fermî re tune, ev plana çalakiyê ji 400 xalan pêk tê.”