Îdiaya 'Wê Almanya her hefte 500 kesan radestî Tirkiyeyê bike': Daxuyaniya Wezareta Karên Derve ya Tirkiyeyê!

PeyamaKurd – Wezareta Derve ya Tirkiyê îdiaya ku hemwelatiyên xwedî pasaporta Tirkiyê û xwediyê destûra rûniştinê ne wê ji Almanyayê bên dersînorkirin red kir.

Rojnameya Frankfurter Allgemeine Zeitung (FAZ) ku çapa Almanyayê ye, îdia kir ku di navbera Tirkiye û Almanyayê de lihevkirinek hatiye çêkirin ku welatiyên bi pasaportên tirk ên ku tevî serlêdana penaberiyê neçûn Almanyayê û hatin redkirin, paşde bên girtin.

Berdevkê Wezareta Derve ya Tirkiyê Öncû Keçelî ev îdia red kir.

Keçelî got, "Nûçeyên di çapemeniya Alman de derbarê vegera Tirkiyeyê ya welatiyên me yên ku mafê wan ê qanûnî yê rûniştina Almanyayê nîne, ne rast in. Derbarê sirgûnkirina komî ya welatiyên me de ti pêkanînek nehatiye qebûlkirin."

Keçelî herwiha da zanîn ku di hevdîtina Serokomarê Tirkiyeyê Recep Tayyîp Erdogan û Serokwezîrê Almanyayê Olaf Scholz ku di 23ê Îlonê de li New Yorkê hat kirin de ev mijar nehat rojevê.