Îran: Sizayê 3 kesan ê darvekirinê, betal bû

PeyamaKurd- Ji aliyê Rêveberê Têkiliyên Giştî yê Dadgeha Bilind a Îranê Emîr Haşimî ve hat ragihandin ku Sizayê darvekirinê yê 3 kesên têkildarî xwepêşandanên li Îranê bûne, li ser serlêdana nerazîbûnê, hatiye betalkirin.

Emîr Haşimî, bi rêya hesabê xwe yê medyaya civakî peyamek belav kir û encama serlêdana 16 bersûcên dosyeya kuştina pasewanekî di xwepêşandanên bajarê Kerecê de ji bo Dadgeha Sizayê Giran eşkere kir.

Haşimî diyar kir ku sizayê darvekirinê yê Pijîşkên Îranî Hamîd Karahasanlu, Huseyîn Muhammedî û Riza Arya yên li Dadgeha Şoreşê ji ber kêmasiyên di lêpirsînê de ji aliyê Dadgeha Bilind ve hatiye betalkirin.

Di doza ku 3yê Mijdara 2022yan de li bajarê Kerecê di êrîşa ser hêzên ewlehiyê de 16 kes bi tawana kuştina endamekî milîsên pasdarên Şoreşê Besîc û birîndarkirina 5 pasdarên ewlehiyê hatin dadgehkirin. Li bakurê rojavayê Tehranê, 5 ji wan bi tohmeta “parastina nîzama giştî” hatin tawanbarkirin, ji ber tawanê ku bi fesadkirina wê di cîhanê de xerabî kiriye, sizayê darvekirinê lê hatibû birîn.

Her wiha hat diyarkirin ku di dozê de 5 kesên ku sizayê îdamê lê hat birîn, Radyologê Îranî Hamîd Karahasanlu jî heye. Karahasanluyê ku di dadgehê de tawanbarkirin red kir, cezayê darvekirinê lê hat birîn û li Îranê û derveyî welêt bû sedema bertekan.