Îran û Iraqê, ji bo çêkirina rêya hesinî li hev kir

PeyamaKurd- Serokê Kompanyaya Rêyên Hesinî ya Iraqê û hevtayê xwe yê Îranî ku li Konsulxaneya Îranê ya li Besrayê civiyan, ji bo pêkanîna pêwendiya rêya hesinî ya di navbera herdu welatan de peymanek destnîşan kir.

Îran û Iraqê li hev kir ku dest bi çêkirina rêya hesinî ya 32 km ya ku ji Şelemçeya Îranê heta Besraya Iraqê bi dirêjahiya plansaziya wê hatibû plankirin, bikin.

Li ser mijarê, Alîkarê Wezîrê Karên Derve yê Îranê yê kar û barên dîplomasiya aboriyê Mehdî Safarî got, “Iraqê, bi qasî 230 milyon dolar budçe ji bo rêya hesinî ya Şelemçe-Besra terxan kiriye û ev cara yekem e.”

Li gorî lihevkirina ku li Konsulxaneya Îranê ya li Besrayê hat kirin, rêya rast a rêya trênê ya ku dê ji bajarê Şelemçeyê yê Îranê bigire heta çemê Erwend (li aliyê Iraqê Şetûl Ereb) ku di nav sînorên Iraqê de ye, hat diyarkirin.

Her wiha hat eşkerekirin ku ji bo cîbicîkirina girêdana rêya trênê, tabloyek demsalî hatiye danîn.