Iraq | Agir bi Balafirgeha Navdewletî ya Bexdayê ket

 PeyamaKurd – Hat ragihandin ku îro êvarê li holeke Balafirgeha Navdewletî ya Bexdayê şewat derket û çend holên balafirgehê ji ber şewatê hatin valakirin.

Li gorî çavkaniyên Balafirgeha Navdewletî ya Bexdayê agir li kafeteryayeke hola pêşwaziya rêwiyan ketiye û tîmên agirvemirandinê li cihê bûyerê hewl didin şewatê vemirînin.

Hat diyarkirin ku hîn sedema derketina şewatê diyar nebûye û seferên balafiran ji ber şewatê ranewestiyane.

Li aliyê din Berevaniya Şaristaniyê ya Bexdayê jî ragihand ku bandora dûxanê ya bêhntengiyê li ser 3 karkeran çêbûye û tedawiya wan tê kirin.