Iraq û Umanê di warên cuda de peymanên lihevkirinê îmze kirin

PeyamaKurd – Îro Yekşemê 22.12.2024ê bi beşdariya Wezîrê Derve yê Iraqê Fuad Husên û Wezîrê Derve yê Umanê Bedr Bin Hemed El-Busaidî di navbera her du welatan de lihevkirinek di warên cuda de hat îmzekirin.

Wezîr Fuad Husên di daxuyaniya çapemeniyê ya hevpar de ku bi hevtayê xwe yê Omanî re hat îmzekirin de diyar kir ku pêwendiyên Iraq û Umanê dîrokî, biratî û xurt in û bi biryar in ku pêwendiyên Iraq û Umanê bidomînin.

Wezîr Huseyîn got, "Piştî gelek salan komîteya hevpar cara ewil di vê astê de civiya û me gelek peyman îmze kirin û ji vir şûnde jî em ê li ser mijarên bac, tûrîzm û siyasî gelek peymanan îmze bikin."

Huseyîn destnîşan kir ku wan bi rayedarên Omanî yên ku li ser agirbestê tevdigerin re gelek mijarên siyasî sekinîn, di nav wan de mijara Filistînê jî, Huseyîn destnîşan kir ku divê ew alîkariyên mirovî jî bişînin Xezzeyê.

Wezîrê Iraqî da zanîn ku di hevdîtinê de pirsa Sûriyê û rewşa navçeyê jî hatiye gotûbêjkirin û got, "Mixabin kontrola rêxistinên terorîst li Sûriyê berfirehtir bûye û endamên DAIŞê bandora xwe li wir zêde kirine."

Wezîrê Umaniyê Buseydî diyar kir: "Em kêfxweş in ku li vî welatê mezin in û li gorî armanca peymanan bi hevkarî û şirîkatiyê têkiliyên me dê pêşde biçin."

Buseydî got, “Di warê geştyarî, bankî, giştî û taybet de hevkariya me bi Iraqê re heye. Ez kêfxweş im ku memoranduma lihevkirinê îmze dikim û li hêviya bêtir im.”