Îsraîlê cihên girtiyên Xezzeyê yên ku bi mehan cihê wan vesartibû eskere kir

PeyamaKurd – Îsraîl cihê 64 girtiyên Filistînî yên ku li Şerîda Xezzeyê girtibûn û bi mehan e ku cihê girtina wan veşartî eşkere kir, lê derbarê hin kesên din de hîn ti bersiv û agahî nehatine bidestxistin.

Li gorî daxuyaniya hevpar a nivîskî ya Komeleya Girtiyên Filistînê û Lijneya Girtiyan a Filistînê ya girêdayî Rêxistina Rizgariya Filistînê, rayedarên Îsraîlê cihên desteserkirina 64 Filistîniyên li Şerîda Xezzeyê piştî çend mehan veşartî eşkere kirin.

Di dema ku ji aliyê rayedarên girtîgehên Îsraîlê ve navên "64 girtiyên Xezzeyê yên ku cihê desteserkirinê wan hatin bersivandin" hat diyarkirin ku di bersivên ku ji aliyê rayedarên Îsraîlê ve hatine dayîn de girtîgeh û wargehên ku girtî lê dimînin hatine dayîn, lê derbarê hin kesên din de hîn ti bersiv û agahî nehatine bidestxistin.

Girtiyên ku cihên wan hatin eşkerekirin, li girtîgehên Negev û Nafha, kampên Sde Teiman û Saharonim li başûrê Îsraîlê, girtîgeha Ofer li navenda Şerîeya Rojava, girtîgeha Nitzan a li navenda Îsraîlê û girtîgehên Naftalî û Megîdo yên li bakurê Îsraîlê hatin belavkirin.

Di daxuyaniyê de hat gotin ku tenê daneyên berdest ên li ser hejmara Filistîniyên li Xezzeyê hatine desteserkirin hezar û 802 kes in ku rêveberiya girtîgehê ya Îsraîlê di destpêka vê mehê de qebûl kiribû.

Hate destnîşankirin ku di nava van hejmaran de jin û zarok jî hene, hate destnîşankirin ku hîna bi sedan girtî rastî sûcê wendakirina bi zorê tên.

Di daxuyanîya ku hat belavkirin de bal hat kişandin ser wê yekê ku hejmara kesên ku li Xezzeyê hatine desteserkirin dibe bi hezaran be û wiha hat gotin: "Dewleta dagirker (Îsraîl) di asteke nedîtî de li dijî girtiyên Xezzeyê sûcên îşkenceya sîstematîk didomîne. Ev yek bû sedema şehadeta bi dehan kesan."