Îsraîl: Di siyaseta me ya parastinê de ti guhertin çênebû!

PeyamaKurd – Di daxuyaniya artêşa Îsraîlê de hat gotin ku piştî ku Îran û hevalbendên wê soz dabûn ku wê li hemberî 2 kuştiyên ku ji Îsraîlê re tên kirin, bertek nîşan bidin, "heta niha" di polîtîkaya parastina navxweyî de ti guhertin çênebûye.

Berdevkê Artêşa Îsraîlê Danîel Hagarî li ser gelek nûçe û gotegotên ku di çapemeniyê de tên weşandin de wiha got: "Ez dixwazim balê bikişînim ser vê yekê ku polîtîkaya parastinê ya Fermandariya Eniya Navxweyî niha nehatiye guhertin."

Hagari û berpirsên din ên leşkerî û hikûmetê, di nav wan de serokwezîr Benjamin Netanyahu, çendîn caran gotine ku welat ji her êrîşekê re amade ye.

Herwiha Hagarî diyar kir ku "parastina tam tine ye" û wiha pê de çû, "Ji ber vê yekê divê her welatiyekî talîmatan bizane û li ku dibe bila bibe, hişyar be."