Ji Amerîkayê daxuyaniya hilbijartinên Tirkiyeyê: Em ti aliyekî nagirin!

PeyamaKurd – Wezareta Derve ya Amerîkayê derbarê hilbijartinên îro 14ê Gulanê yên serokomarî û parlamentoya Tirkiyeyê de, daxuyanî da û ragihand, ew di hilbijartinan de ti aliyekî nagirin.

Di daxuyaniya Berdevkê Wezareta Derve ya Amerîkayê de hatiye gotin ku Amerîka û Tirkiye heyameke dirêj e hevpeymanên hevdu ne û ew ji nêzîk ve proseya hilbijartinên Tirkiyeyê dişopînin.

Herwiha hat destnîşankirin ku Washington di hilbijartinan de ti aliyekî siyasî nagire û dixwazin hilbijartin di çarçoveya kevneşopîya demokratîk û yasayî de, bi awayekî azad û dadwerî encam bidin.

Serokomar û namzedê serokomariyê Recep Tayyip Erdogan, doh Şemiyê li Stenbolê di axatfineke xwe de gotibû: “Biden fermana hilweşandina Erdogan daye, ez vê dizanim. Hemû gelê min vê dizane. Ger rewş wiha be, dê sindoq sibe bersiva Biden bidin.”