Ji ber ku biryara girtina Netanyahû dabû, Trump ceze da ICCyê

PeyamaKurd – Serokê Dewletên Yekbûyî yên Amerîkayê (DYA) Trump bi daxuyaniyeke nivîskî ragihand ku wî biryara ceze li dijî rayedarên International Criminal Court (ICC) Dadgeha Navneteweyî ya Cezayê îmze kiriye.

Trump got ku ICC, hikûmeta Biden û hevalbendên wê yên nêzîk,  Îsraîl, bi awayên “bêbingeh û ne rewa” dike armanc û ew ê bi fermana xwe ya cîbicîkar cezayan li ser karbidestên dadgehê bisepîne.

Trump da zanîn ku wan biryara girtinê ya ku ji aliyê ICCyê li dijî Netanyahû ve hatiye dayîn, bi hinceta sûcên şer ên li Xezzeyê hatiye dayîn, lê ew vê qebûl nakin û wiha got:

“ICC bêyî bingeheke rewa ev biryar li dijî Benjamîn Netanyahû û Wezîrê bere yê Parastinê yê Îsraîlê, Yoav Gallant da, lê heqê wê tune ye.”

Bendewarî ew e ku ev biryar dê rê li ber karbidestên ICCyê bigire ku vîzeya amerîkî bistînin û danûstandinên ekonomîk bi Dewletên Yekbûyî re bikin.

Hin karbidestên amerîkî diyar kir ku ew biryarê nas nakin, lê hin endamên komarî yên Kongreyê jî pêşniyar kirin ku cezayên li ser ICCyê werin sepandin.