Ji bo 7 rojan agirbest hat ragihandin

PeyamaKurd – Hat ragihandin ku di navbera herdu aliyên şerê Sûdanê de, ji bo 7 rojan agirbest hatiye ragihandin.

Li gorî nûçeya Al Jazeerayê, çavkaniyên Erebistana Siûdî ragihandine ku di navbera aliyan de ji bo 7 rojan agirbest hatiye ragihandin û dê piştî 48 saetan jî destpê bike.

Di nûçeyê de hatiye diyarkirin ku agirbest li ser valakirina nexweşxaneyan ji komên çekdar û destûrdana çakkirina saziyên xizmetkirina welatiyan hatiye ragihandin.

Ji 15ê Nîsanê de şerê navbera artêşa Sûdan û Hêzên Piştevaniya Bilez berdewam dike ku herî dawî li Cide ya Siûdî 11ê Gulanê rêkeftinek hatibû girêdan, lê hîn jî herdu alî bi temamî li hev nehatine û şer dewam dike.