Kanada û Amerîkayê daxuyaniyeke hevbes li ser Îranê belav kir

PeyamaKurd – Wezareta Karên Derve ya Amerîka û Kanadayê di derbarê bûyerên Îranê de daxuyaniyeke nivîskî ya hevbeş dan û ragihandin, wan biryar daye ku ji ber kiryarên tundûtûjiyê yên li dijî xwepêşanderan li wî welatî sizayan li ser hinek berpirsên Îranê bisepînin.

Di daxuyaniya hevpar a Wezareta Karên Derve ya Amerîkayê û Kanadayê de ev tişt hatin gotin:

“Kanada û Amerîka ji bo şermezarkirina kiryarên tund ên Komara Îslamî ya Îranê li dijî xwenîşanderên aştiyane û berdewamiya tepeserkirina gelê Îranê li hev civiyane. Em zext û zordariya ku dewleta Îranê li ser jinan tê meşandin şermezar dikin.”

Di daxuyaniyê de hat ragihandin, ev fikarên hevpar ên her du welatan ji mêj ve ye û hat destnîşankirin ku divê rayedarên Îranê piştî mirina Mahsa Emînî ji her çar aliyên cîhanê bersivên encamgir ji bo tundkirina tundiya rayedarên Îranê yên li dijî Îranê bidin.

Di daxuyaniyê hat diyarkirin, "Îro, me sizayên hevahengkirî li dijî desthilatên Îranî sepandine di derbarê binpêkirinên mafên mirovan de, di nav wan de yên ku wek beşek ji tepeserkirina hovane bi armanca înkarkirina mafên mirov û azadiyên bingehîn ên gelê Îranê hatine encamdan."