Koreya Bakur: "Têkiliyên bejayî û hesinî yên bi Koreya Basûr re wê qut bibin"

PeyamaKurd – Koreya Bakur ragihand ku ew ê pêwendiyên bejayî û hesinî yên bi Koreya Başûr re qut bikin. Di daxuyaniyê de hat ragihandin ku ji ber tetbîqatên leşkerî yên Koreya Başûr û serdana hin malzemeyên nukleerî yên Amerîkayê ji bo herêmê, rewşa leşkerî ya li Nîvgirava Koreyê giran bûye û li hemberî vê yekê tedbîrên bibiryartir û xurttir hatine girtin.

Koreya Bakur ragihand ku ji ber operasyonên leşkerî yên Koreya Başûr û Amerîkayê ew ê ji îro pê ve hemû pêwendiyên bejayî û hesinî yên bi Başûr re qut bikin.

Li gorî nûçeya ajansa nûçeyan a Koreya Bakur KCNA, di daxuyaniya Artêşa Gel a Koreya Bakur de hat destnîşankirin ku ji 9ê Cotmehê pê ve rê û rêyên hesinî yên li ser sînor tên qutkirin û herêmên sînor jî wê bi avahiyên parastinê bên xurtkirin.

Di daxuyaniyê de Koreya Başûr wekî "dewleta dijminê sereke" û "dijminê sereke yê sabît" hat binavkirin. Di daxuyaniyê de hat gotin, "Birîna herdemî û girtina sînor ji aliyê artêşa me ve, tedbîreke xweparastinê ye ji bo rêgirtina li şer û dabînkirina ewlehiya welat di rewşa niha de."

Di daxuyaniyê de hat ragihandin ku ji ber tetbîqatên leşkerî yên Koreya Başûr û serdana hin malzemeyên nukleerî yên Amerîkayê ji bo herêmê, rewşa leşkerî ya li Nîvgirava Koreyê giran bûye û li hemberî vê yekê tedbîrên bibiryartir û xurttir hatine girtin.

Di daxuyaniyê de hat diyarkirin ku artêşa Koreya Bakur bi rêya telefonê ji leşkerên Amerîkayê yên ku li Başûr bi cih bûne re çalakiya kelehê ragihandiye û ev yek jî ji bo pêşî li têgihîştina şaş a çalakiyê û metirsiya pevçûna qezayê were girtin.