Li Ekvadorê dîmenên tirsnak: Çete welat dagir kirin, rewsa awarte hat ragihandin

PeyamaKurd – Bûyerên ku piştî reva lîderekî çeteyê ji girtîgehê li welatê Ekvadorê yê Başûrê Amerîkayê destpê kirin, zêde bûn. Piştî ku Serokkomar Daniel Noboa Rewşa Awarte ragihand û bi 3 hezar hêzên ewlekariyê re li dijî çeteyan operasyon da destpêkirin, rêxistinên sûc daketin qadan.

Komên çekdar girtin ser zanîngeh û kanaleke televîzyonê û bi dehan kes dîl girtin.

Di dîmenên dawî yên ji welêt e hatin dîtin ku li kuçeyan atmosfera panîkê heye û artêşa Ekvadorê sewqî herêmên ku alozî derketiye. Li aliyê din çeteyan li Ekvadorê girtin ser kanaleke televîzyonê û rojnamevan û xebatkar dîl girtin.

Çeteyan dîmenên înfazên cerdevan û polîsên ku dîl girtine li ser medyaya civakî weşandin.

Li Ekvadorê bi îlankirina Rewşa Awarte komên çete daketin kolanan

Mîrê narkotîkê Adolfo Macias, serokê çeteya Los Choneros a li Ekvadorê, roja Yekşemê ji nişka ve ji zindana ewlekariya bilind a ku li Villamar lê dima, winda bû. Dema ku tîmeke ji 3 hezar kesî ji bo dîtina Villamarê ku ji girtîgehê reviyabû operasyon da destpêkirin, Serokomar Daniel Noboa biryara Rewşa Awarte îmze kir. Piştî biryara Rewşa Awarte komên çekdaran girtin ser avahiya zanîngeh û televîzyonê. Her wiha hat ragihandin ku çeteyên çekdar li kolanan geriyan.

Çeteyan bi çekan êrîşî weşana zindî kirin

Çeteyan girtin ser kanaleke televîzyonê û rojnamevan û xebatkarên televîzyonê yên zindî dîl girtin. Di wan kêliyên ku kamerayan tomar dikirin de, yên li studyoyê panîkek mezin jiyan dikirin. Kesên bi maske dînamît danîne bêrîka wî û ragihandine ji polîsan re gotin ku dev ji şopandina xwe berdin.

Dema ku kêliyên tirsnak ên li studyoyê çirk bi çirk li kamerayê hatin girtin, polîsên Ekvadorî kanala televîzyonê dorpêç kirin.

Dema ev hemû diqewimin, li welat zanîngehek jî bû hedefa çeteyan. Çeteyên çekdar girtin ser kampusa zanîngehê û gelek xwendekar dîl girtin. Di dîmenên dawî yên ji herêmê da hat dîtin ku xwendekaran deriyên hin polên li hundirê zanîngehê barîkat danîne.

Rêxistinên sûc polîs revandin

Li gorî çapemeniya herêmî, piştî biryara Rewşa Awarte ya 60 rojî rêxistinên sûc gelek polîs revandin û wesayîtên wan şewitandin.

Di posta ku ji hêla Midûriyeta Polîsan a Ekvadorê ve hatî çêkirin de Îfade hat bikaranîn.

Dest bi îdamkirina cerdevan û polîsan kirin

Di dîmenên xwînxwar ên li ser medyaya civakî de, komên çete girtin ser xalên wekî girtîgeh û qereqolan û gelek polîs û cerdevan dîl girtin. Çeteyên ku li ser medyaya civakî weşanê dikin, dest bi înfazkirina hin endamên ewlekariyê kirin. Di vîdeoyekê de komên çekdar avêtin ser girtîgehê û gardiyanên ku dîl girtine, bi darê ve daliqandin. Demên înfazê saniye bi saniye di kamerayê de hatin kişandin.

Qedexeya derketina derve wê bê sepandin

Li welatê ku tevlihevî li kolanan heye, yekîneyên artêşa Ekvadorê bi kamerayê hatin kişandin. Li paytexta welêt Kîtoyê dema ku dengê çekan zêde bû, hat ragihandin ku bi şev saet di navbera 23.00 û 05.00an da li seranserê welêt qedexeya derketina derva tê kirin.

Serokê Ekvadorê Daniel Noboa ku ev demeke dirêj e bi qeyrana ewlehiyê re têdikoşe, di daxuyaniya xwe ya li ser Instagramê ya 7ê Çileyê de diyar kir ku tundûtûjiya li girtîgehan dîsa zêde dibe û ragihand ku wê rewşek awarte were ragihandin.