Li gorî anketa li DYAyê ferqa rêjeya dengan a di navbera Trump û Harris de daket 1 puanê

PeyamaKurd – Di anketa ku li DYA hat kirin de hat dîtin ku cîgira wî Kamala Harris a ku namzedî ji Serokê Demokrat Joe Biden girt, ferqa dengên hevrikê xwe yê Komarî Donald Trump daxist 1 puanê.

Anketa herî dawî ya ku ji hêla New York Times/Sienna College ve hatî çêkirin, texmînên rêjeya dengên heyî yên Trump û Harris nîşan da.

Di anketa ku di navbera 22-24ê Tîrmehê de li gel 1142 mezinan li welêt hat kirin, rêjeya kesên ku gotin wê di hilbijartinên serokatiyê yên ku di 5ê Mijdarê de bên kirin de dengê xwe bidin Trump ji sedî 48 bû, Harris 1 puan li paş ma û ji sedî 47 ma.

Di heman anketa ku piştî weşana zindî ya nîqaşa hilbijartinê ya di navbera Biden û Trump de di 27ê Hezîranê de hat kirin de, hat dîtin ku Biden 6 puan ji Trump paş ket.

Çavdêrên siyasî di vê qonaxê de vê weke serkeftinekê dihesibînin ku Biden Cîgira xwe Harris wek namzeda xwe destnîşan kir û piştgirî da wê piştî ku wî di 19ê Tîrmehê de vekişîna xwe ji pêşbirkê ragihand, ferqa hevrikê xwe Trump bi 1 xalê kêmtir ji hefteyek şûn de girt.