Trump an Harris? Li gorî anketan di hilbijartinên serokatiya Amerîkayê de kî li pês e?

PeyamaKurd – Li gorî anketên derbarê hilbijartinên serokatiya Amerîkayê de, namzetê Komarî Donald Trump û namzeta Demokrat Kamala Harris nêzî hev in.

Rojnameyên New York Times û Koleja Siena, derbarê hilbijartinên Serokatiya Amerîkayê yên ku wê di 5ê Mijdarê de bên kirin, lêkolînek kirin.

Encamên anketê, ku nîşan da ku Harris di rêjeya ji sedî 47 de ye, nîşan da ku Trump bi 48 ji sedî 1 puan li pêş bû.

Ji aliyê din ve, li gorî navgîniya anketên ku li seranserê DYAyê hatine kirin, Harris bi rêjeya ji sedî 49ê dengan 2 puan li pêş Trump e.

Encamên anketê nîşan didin ku berendam li pêş niqaşa televîzyonê ya ku wê di 10ê Îlonê de bê kirin, pir nêzî hev in.

Nêzîkî 30 ji sedî yê hilbijêrên ku anket hatine kirin dibêjin ku ew têra xwe li ser helwesta siyasî ya Harris nizanin.

Di vê navberê de, piraniya dengdêran difikirin ku nêrînên siyasî yên Trump bi gelemperî zelal in.

Donald Trump û Kamala Harris wê di 10ê Îlonê de li studyoya kanala ABC ya New Yorkê, berî hilbijartinên serokatiya Amerîkayê ku wê di 5ê Mijdarê de bên kirin, bên hemberî hev.