Li Hewlêrê pêsengeha ‘Pêkvejiyan’ a pirtûkan tê vekirin

PeyamaKurd - Pirtûkxaneya giştî ya Hewlêrê bi hevbeşiya Zanîngeha Cîhan û serpereştiya  Wezîrê Rewşenbîrî û Ciwanan a Hikûmeta Herêma Kurdistanê pêşengeheke pirtûkan a bi navê ‘Pêkvejiyan’ vedike.

Rêvebera giştî ya pirtûkxaneya giştî ya Hewlêrê Naz Felakedîn ragihandiye ku pêşengeh bi serpereştiya Wezîrê Rewşenbîrî û Ciwanan a Hikûmeta Herêma Kurdistanê Heme Hemeseîd, pirtûkxaneya giştî ya Hewlêrê û hevbeşiya Saziya Rewşenbîrî ya Zanîngeha Cîhan tê vekirin.

Pêşengeh 25.10.2022 li demjimêr 10:00ê li salona pirtûkxaneyên giştî ya Zeytûn vedibe û heta 03.11.2022yan dewam dike.

Hat diyarkirin ku di pêşengehê de, saziyên çapemeniya Silêmaniyê, Soran, Helebce û Hewlêrê beşdar dibin û herwiha zêdetirî 25 saziyên din ên çap û weşanê jî beşdariyê dikin.

Di çarçoveya pêşengehê de wê hejmarek semîner û çalakiyên çandî werin lidarxistin.