Li navçeya Kozan a Edeneyê bi lerza 5an erdhejek pêk hat

PeyamaKurd – Li navçeya Kozan a Edeneyê di saet 20.07an de bi lerza 5an erdhejek pêk hat.

Li gor agahiya ku li ser malpera Serokatiya Rêveberiya Rewşa Afet û Rewşa Lezgîn (AFAD) hat dayîn, di saet 20.07an da erdhejeke bi lerza 5an pêk hat û navenda wê navçeya Kozana Edeneyê ye.

Hat diyarkirin ku erdhej 20,13 kîlometre di bin erdê de pêk hatiye.

Piştî erdheja li Edene, Osmaniye, Dîlok û Qeyseriyê hat hîskirin, hin welatî daketin qadan.

Parêzgarê Edeneyê Yavuz Selîm Koşger daxuyanî da nûçegihanê AAyê û got, "Niha li bajarê me neyîniyek tune ye, lêkolînên me dewam dikin."