Rojhilata Navîn

Li Rojhilatê Kurdistanê îdamkirina 4 ciwanên Kurd bi greva gisti tê protesto kirin

30 January 2024 18:22 0 dîtin
Li Rojhilatê Kurdistanê îdamkirina 4 ciwanên Kurd bi greva gisti tê protesto kirin

PeyamaKurd – Nerazîbûnên li ser darvekirina 4 ciwanên Kurd ên girtiyên siyasî li Îranê, berdewam dikin. Piştî ku doh her çar ciwanên Kurd bi biryara dadgeha Îranê hatin îdamkirin, îro 30yê Çileyê li hemû bajarên Rojhilatê Kurdistanê greva giştî hate destpêkirin.

Ji bo şermezarkirina rejîma Îranê, li ser banga 6 rêxistinên mirovî yên Rojhilatê Kurdistanê, welatiyan îro bazarên xwe daxistin û dikanên xwe venekirin.

Hêjayî gotinê ye, rejîma Îranê hê jî termên her çar ciwanên Kurd ên hatine îdamkirin radestî malbatên wan nekiriye, lê dîsa jî bi girseyî ji taziyê serdana malbatên wan ciwanan tê kirin.

Di vîdyoyên hatine belavkirin de, ev kiryarên qetikirina ciwanên Kurd bi destê rejîma Îranê tê şermezarkirin û diruşmên, 'Şehîdên Kurdistanê Namirin!' têne qêrin.