Li Sêrtê ji bo 15 rojan qedexe hat ragihandin

PeyamaKurd – Li bajarê Sêrtê yê Bakurê Kurdistanê, ji bo 15 rojan hemû çalakiyên cemawerî, civînên çapemeniyê, grev û vedana konan hate qedexekirin.

Parêzgariya Sêrtê da xuyakirin ku heta 12yê Hezîrana 2023yan ji bo 15 rojan hemû cûre xwepêşandan, meş, grevên birçîbûnê, vedana konan, vekirina standan û çalakiyên bi wî rengî hatine qedexe kirin.

Hat diyarkirin ku ew qedexe bi hinceta operasyonê artêşa Tirkiyê yên li hemberê PKKê hatiye ragihandin û mebest parastina aramiya herêmê û hemwelatiyan e.

Li gorî daxuyaniya parêzgariyê biryara qedexekirinê çalakiyên fermî yên parêzgar û qeymeqaman li xwe nagire.