Li Xezzeyê êrîsa li dijî dibistana penaber lê ne: Herî kêm 27 kes mirin

PeyamaKurd - Li gorî texmînên destpêkê, di encama êrîşa li dijî dibistana ku koçberên li Şerîda Xezzeyê tê de bûn, 27 kesan jiyana xwe ji dest dan û bi dehan kes jî birîndar bûn.

Di daxuyaniya nivîskî ya ku li ser hesabê Telegramê yê ofîsa medyayê ya hikûmetê ya li Xezzeyê hat dayîn de hat diyarkirin ku artêşa Îsraîlê li herêma 2yemîn a Kampa Penaberan a Nuseyratê dibistaneke ku koçber lê siwar bûne bombe kiriye.

Di daxuyaniyê de hat diyarkirin ku cenazeyên 27 kesên ku di encama êrîşê de jiyana xwe ji dest dane gihiştine Nexweşxaneya Şehîdan a Aksayê û bi dehan birîndar jî anîne û hat destnîşankirin ku 3 qatî kapasîteya wê bi birîndar û nexweşan tije bûye.

Di berdewamiya daxuyaniyê de hat şermezarkirin ku DYA li kêleka Îsraîlê rawestiyaye û bi çek û desteka leşkerî çiraya kesk daye berdewamiya vê qirkirinê.

Di daxuyaniyê de hat ragihandin ku Îsraîl û rêveberiya DYAyê ji van sûcên li dijî mirovahiyê û hiqûqa navneteweyî berpirsyar in û bang li hemû cîhanê hat kirin ku van sûcan û êrîşên Îsraîl û DYAyê yên li ser Xezzeyê şermezar bikin.