Melisa Sozen a di rêzefîlmê navdar ê Fransa de rola jina YPJê dilîze, behsa ku çawa ew rol bi dest xistiye kir?

PeyamaKurd – Lîstikvana ku beşdarî dewreya sêyemîn a rêzefîlma navdar a Fransayê "Le Bureau des Légendes" bû Melisa Sozen, jineke YPJê ya di nava Hêzên Sûriyeya Demokratîk a Rojava de şer dike dilîze.

Derketina wêneyên Sozen ên rêzefîlm di medyaya civakî de bû sedema dengvedanê. Hin bikarhêneran piştgirî dan Sozen, hinên din bertek nîşan dan ji ber ku wê jinek ji YPJê nîşan da.

Melisa Sozen ku got di rêzefîlmê ku ji sala 2016an vir ve tê weşandin de ajaneke bi navê "Esrîn" a ku di nav HSDê de cih girtiye, ji Hurriyetê re diyar kir ku çawa tevlî rêzefîlm bûye.

"Pêşniyarek ji rêzefîlmê 'Le Bureau des Légendes' hat ku yek ji berhemên herî populer ên li Fransayê ye. Wê demê min hema bêjeyek bi Fransî nizanîbû. Li gel vê jî dema ku ez çûm guhdarîkirinê, derhêner ji lîstika min hez kir. Derhêner got, 'Em ê bi awayekî bi rê ve bibin.' Min tavilê dest bi dersên taybet ên Fransî bi rengek bilez kir."

Sozen, derbarê karakterê ku dilîze jî got, "Ez ajaneke ku li Sûriyeyê li dijî DAIŞê şer dike dilîzîm. Ji ber vê yekê beriya kêşanê min dersên ziman, çek û perwerdehiya şer girt. Ji bo min pêvajoyeke gelekî xweş û xweş bû."