Merkel: Hemû welatên Ewropa neçar in pistevaniya Yunanistanê bikin

PeyamaKurd – Serokwezîra Almanya Angela Merkel, li ser aloziya Rojhilatê Derya Spî ya di navbera Tirkiye û Yunanistanê de ragihand ku welatên ewropî neçar in piştevaniya Yunanistanê bikin.

Merkel di konferansa salane ya li Berlînê de derbarê aloziya li Rojhilatê Derya Spî got: “Derbarê mijara Rojhilatê Derya Spî de, hemû welatên ewropî berpirsiyariya wan e ku piştgiriya Yunanistanê bikin.”

Serokwezîra Almanya da zanîn ku ew bi Serokomarê Fransayê Emmanuel Macron re li ser mijarê axiviye û hevkariya xwe ya bo Yunanistan û Qibrisê herdu aliyan nîşan daye.

Merkelê herwiha diyar kiriye ku di meha îlonê de wê li Konseya Awarte ya Yekîtiya Ewropayê têkiliyên ligel Tirkiyê bi tevî hemû hurgiliyan gotûbêj bikin.