Mesrûr Barzanî: Hikûmeta me wê di 5 salên bê de parastina mafên mirova di hemû waran de zêdetir bike

PeyamaKurd – Serokwezîrê Herêma Kurdistanê Mesrûr Barzanî, îro ji bo yekemîn salvegera cîbicîkirina Plana Mafên Mirova ya Hikûmeta Herêma Kurdistanê, di konferansa mafên mirova de axivî û diyar kir: “Hikûmeta Herêma Kurdistanê wê di 5 salên bê de parastina mafên mirova li Herêma Kurdistanê di hemû waran de zêdetir bike.”

Serokwezîr Mesrûr Barzanî beşdarî konferansa yeksalî ya cîbicîkirina plana mafên mirova ya Hikûmeta Herêma Kurdistanê bû û da zanîn: “Ez kêfxweş im ku îro li gel we beşdarî vê merasimê dibim. Hikûmeta Herêma Kurdistanê wê di 5 salên bê de parastina mafên mirova li Herêma Kurdistanê di hemû waran de zêdetir bike.”

Herî dawî Mesrûr Barzanî di konferansê de eşkere kir: “Parastin û pêşvebirina mafên mirova beşeke girîng a rojeva kabîneya nehemîn a Hikûmeta Herêma Kurdistanê ye di warê parastin û parastina pêkvejiyana aştiyane ya di navbera pêkhateyên cuda li navçeyê û bihêzkirina prensîbên azadî û demokrasiyê. Em pabendbûna Hikûmeta Herêma Kurdistanê ji bo pêşxistina çanda pêkvejiyana olî û etnîkî, parastina azadiyên takekesî û giştî û parastina nirxên demokratîk dubare dikin.”