Mesrûr Barzanî pîrozbahî li Serokwezîrê Yûnanistanê Miçotakis kir

PeyamaKurd – Serokwezîrê Herêma Kurdistanê Mesrûr Barzanî, ji bo cardin hilbijartina wî pîrozbahî li Serokwezîrê Yûnanistanê Kyriakos Mitsotakis kir.

Serokwezîr Barzanî li ser hesabê xwe yê fermî yê Twitterê got: “Ez pîrozbahiyê li Kyriakos Mitsotakis dikim bi sedema cardin hilbijartina wî wek Serokwezîrê Yûnanistanê.”

Mesrûr Barzanî da zanîn: “Ez bi dilxweşî çaverêya bihêzkirina dostanî û pêwendiyan dikim, bi taybetî di warên bazirganî, veberhênan û parvekirina zanyariyan de.”

Partiya Demokrasiya Nû ya bi serokatiya Kyriakos Mitsotakis, di hilbijartinên giştî yên Yûnanistanê de, bi rêjeya ji sedî 44ê dengan bi ser ket û hikûmeta xwe ya serdema duyem bi seroktiya Miçotakis ava kir.