Nêçîrvan Barzanî bi 3 peyaman cejna rêvebirên YNKê pîroz kir

PeyamaKurd - Di derbarê Cejna Qurbanê de, Serokê Herêma Kurdistanê Nêçîrvan Barzanî  3 peyam ji Hevserokên Yekîtiya Niştimaniya Kurdistanê (YNK) û Serokê Encûmena Bilind a YNKê şand.

Serok Herêma Kurdistanê di peyama pîrozbahiya ji Hevserok û Serokê Encûmena Bilind a YNKê re got, “Hêvîdar im ev cejn bibe cihê xêr û xweşiyê ji bo her aliyekê û aramî, tebayî û seqamgiriya zêdetir bo Kurdistanê li gel xwe bîne.”

Nêçîrvan Barzanî di peyama xwe ya ji bo Serokê Encûmena Bilind a YNKê de “pîrozbahiyên germ” li Kosret Resûl û malbata wî dike û hêviya xwe tîne ziman, “ev cejn bibe cihê xêr û xweşî bo hemû aliyan û tebayî û seqaêmgiriya zêdetir bo Kurdistanê li gel xwe bîne û em cejn û boneyên dahatûyê jî di hewayeke baştir de bikin.”

Herwiha Serokê Herêma Kurdistanê di peyama ji bo Hevserokê YNKê Bafil Talebanî de, “pîrozbabhiyên germ” li hevserok, endam û alîgirên YNKê dike û “hêviya xwe tîne ziman ku ev cejn bibe cihê aramî, tebayî û seqamgiriya zêdetir ji bo Kurdistanê û serkeftinê ji hevserokên YNKê re dixwaze.

Di peyama ji bo Hevserokê YNKê Lahûr Şêx Cengî de jî Serokê Herêma Kurdistanê, “pîrozbahiyên germ” li hevserok, endam û alîgirên YNKê dike û dibêje, “Hêvîdar im ev cejn bibe cihê xêr û xweşiyê ji bo her aliyekê û aramî, tebayî û seqamgiriya zêdetir bo Kurdistanê li gel xwe bîne û em cejn û boneyên dahatûyê di hewayekî baştir de bikin.”