Nêçîrvan Barzanî: Herêma Kurdistanê wê weke welatê hemû pêkhateyan bimîne

PeyamaKurd – Nêçîrvan Barzanî got, em ê hemû pêkhateyan misoger bikin da ku Herêma Kurdistanê weke her carê, weke welatê hemûyan bimîne.

Serokê Herêma Kurdistanê Nêçîrvan Barzanî bi helkefta hatina sersala Asûrî-Babilî û Cejna Akîtuyê peyameke pîrozbahiyê belav kir.

Nêçîrvan Barzanî got, “Ez ji dil û can pîrozbahiyê li hemû xwişk û birayên me yên Keldanî, Asûrî û Suryanî yên ku li Herêma Kurdistan, Iraq û hemû cîhanê dijîn, sersala Aşûrî-Babilî û Cejna Akîtu dikim. Ji wan re cejneke serkeftî û aram dixwazim.

Bi vê minasebetê em tekezî li ser parastina çanda wekhevî, maf, azadî, yekrêzî, hevdûrehmkirin û qebûlkirina hevdu di navbera hemû pêkhateyên olî û netewî yên Kurdistanê de dikin. Herwiha em pêbaweriyê didin hemû pêkhate û birayên xwe yên Mesîhî, da ku Herêma Kurdistanê weke her tim, weke welatê wan hemûyan bimîne.

Cejna Akitu pîroz be, her sala we bi bextewariyê re derbas bibe."