Nêçîrvan Barzanî îro wekî Serokê Herêma Kurdistanê sonda yasayî dixwe

PeyamaKurd - Îro 10ê Hezîranê bi amadebûna hejmarek ji serkirde, nûnerên aliyên siyasî yên Herêma Kurdistanê û Iraqê û balyoz û nûnerên welatên biyanî yên li Iraqê, merasîma sondxwarina Nêçîrvan Barzanî wek Serokê Herêma Kurdistanê li Hewlêrê birêve diçe.

? Hazırlıklar tamamlandı | Neçirvan Barzani ( @PMBarzani) bugün yapılacak törende yemin ederek Kürdistan Başkanlığı görevine resmen başlayacak.#TwitterKurds #neçirvan #Barzani #KRG #Kurdistan #Kurdish #IKBY #PDK pic.twitter.com/2CajOTUvrY

— PeyamaKurd (@peyamakurd) 10 Haziran 2019

Îro Duşemê (10.06.2019) di saet 11:00an de merasîma sondxwarina Serokê hilbijartî yê Herêma Kurdistanê Nêçîrvan Barzanî li Hola Seed Ebdullah a Hewlêrê bi beşdariya nûnerên welatan û kesayetên û aliyên siyasî yên Herêma Kurdistanê û Iraqê birêve diçe.

Tê çaverêkirin ku aliyên siyasî yên di roja dengdana Serokê Herêma Kurdistanê de li danişîna parlementoyê de amade nebûn, ew jî di vê merasîmê de amade bin.

Danişîna îro ya Parlementoya Kurdistanê li Hola Seed Ebdullah birêve diçe û du birge li xwe digre, birgeya yekem Serokê hilbijartî yê Herêma Kurdistanê Nêçîrvan Barzanî sonda yasayî dixwe û rûniştin bo roja din vekirî dimîne, namzedê Partiya Demokrat a Kurdistanê (PDK) bo posta Serokweziriya Herêma Kurdistanê, ku Mesrûr Barzanî ye, ji aliyê Serokê Herêma Kurdistanê ve bi pêkanîna hikûmetê tê wezîfedarkirin.