Nêçîrvan Barzanî: Ji bo yekrêziya Pêsmerge divê gavên bilez û cidî bên avêtin

PeyamaKurd – Serok Nêçîrvan Barzanî amaje bi wê yekê kir ku navê Pêşmerge pîroz e û tekezî li ser wê yekê kir ku divê gavên bilez û cidî ji bo yekxistina Hêzên Pêşmerge bên avêtin.

Di merasima ku li Dîwana Serokatiya Herêma Kurdistanê hat lidarxistin de, Serok Nêçîrvan Barzanî rêzên 5 fermandarên pilebilind ên Pêşmerge pêşkêş kir.

Ji bo erkên nû yên fermandeyan pîrozbahî li fermandeyan kir û hêviya serkeftinê ji wan re xwest, Barzanî bal kişand ser serkeftina proseya çaksaziyê di nava Wezareta Pêşmerge û giringiya yekxistina hêzên Pêşmerge.

Nêçîrvan Barzanî got, "Pêşmerge navekî pîroz e" û diyar kir ku divê berî her tiştî Pêşmerge dilsozê ax, welat û neteweyê be.

Barzanî balkişand li ser wê yekê ku divê gavên bilez û cidî ji bo yekxistina Hêzên Pêşmerge bên avêtin, Barzanî piştevaniya hemû pêkhateyan ji bo wê proseyê nîşan da.

Fermandeyên Pêşmerge spasiyên xwe pêşkêşî Serok Nêçîrvan Barzanî kirin û soza dilsozî û xizmetkirina ji bo xaka Kurdistanê dubare kirin.