Nêçîrvan Barzanî, pêswaziya sandeke Zanîngeha Leskerî ya Iraqê kir

PeyamaKurd- Li gorî agahiyên ku ji Serokatiya Herêma Kurdistanê hatin ragihandin, Serokê Herêma Kurdistanê Nêçîrvan Barzanî, îro pêşwaziya şandeke Koleja Berevaniya Niştimanî ya ser bi Zanîngeha Bilind a Leşkerî ya Iraqê kir.

Li gorî agahiyên hatin ragihandin, êçîrvan Barzanî di civînê de ragihand ku piştî 20 salên azadiya Iraqê, divê Iraq gavên baştir ber bi paşerojê ve bihavêje û hemû pêkhateyên Iraqê bi hev re di rêvebirin û avakirina welêt de parve bikin û beşdar bibin.

Her wiha hat eşkerekirin ku Serokê Herêma Kurdistanê diyar kiriye ku ev, saziyeke zanistî û perwerdehî û rahênanê ya ser bi Wezareta Berevaniya Iraqê ve ye û xwendekarên wê piledarên leşkerî, berpirs, şêwirmend û rêvebirên wezaret û saziyên hikûmetê ne û di warê berevaniyê û rêvebirinê de lîsansê distînin.

Li gorî hat ragihandin, di hevdîtinê de tekezî li ser bipêşxistina pêwendiyên navbera sazî û dezgehên di warê berevanî û leşkerî û hemû warên din ên li tevahiya Iraqê û Herêma Kurdistanê hatiye kirin û bipêşxistina wan waran wekî karekî “girîng” bi nav kir.

Li gorî hat eşkerekirin, Serokê Herêma Kurdistanê bernameya xwendinê ya zanîngehê û beş û fakulteyên wê li ser prensîbên niştimanî û zanistî wekî pêwîst û erênî nirxand û got,

“Divê em sûdê ji xeletiyên berê werbigirin, bi nêrîneke zelal û bernameyeke hevbeş, gavên baştir ber bi paşerojê ve bihavêjin û hemû pêkhateyên Iraqê bi hev re di rêvebirin û avakirina welêt de beşdar bibin.”

Hat diyarkirin ku şanda mêvan, kêfxweşiyê ji bo pêşkeftinên Herêma Kurdistanê nîşan da û spasiya rol, gotar û nêrîna niştimanî ya Serokê Herêma Kurdistanê ya li ser asta Iraqê bi giştî kir û hat zanîn ku li ser mijarên ewlehî û leşkerî jî nirxandin hatine kirin.