Nûnera Kurdistanê: Sanda Kurdistanê besdarî Diyaloga Stratejîk a Iraq û Amerîkayê dibe

PeyamaKurd – Nûnera Hikûmeta Herêma Kurdistanê ya li Washingtonê Beyan Samî Ebdurehman diyar kir; şanda Herêma Kurdistanê beşdarî Diyaloga Stratejîk a Iraq û Amerîkayê dibe.

Beyan Samî Ebdurehman ji K24ê re destnîşan kir: “Hefteya bê, şanda Herêma Kurdistanê beşdarî Diyaloga Stratejîk a Bexda û Washingtonê dibe, ku biryar e ji bo diyarkirina dema vekişîna hêzên Amerîkayê ji Iraqê birêve biçe.”

Nûnera Hikûmeta Herêma Kurdistanê eşkere kir, beşdarbûna nûnerên Herêma Kurdistanê di vê diyalogê de gelek girîng e û biryar e mijarên girîng werin gotûbêjkirin.

Herwiha da zanîn, Diyaloga Stratejîk a navbera Iraq û Amerîkayê çend mijarên weke enerjî, guherîna keşûhewa, dosyeya ewlehiyê, tendirustî, kulturî, perwerde, mafên mirovan û hilbijartinan li xwe digre.

Ev di demekê de ye ku do Şêwirmedê Serokwezîrê Iraqê Husên Elawî diyar kir; bi mebesta diyarkirina demekê ji bo vekişîna hêzên Amerîkayê ji Iraqê, Serokwezîrê Iraqê Mistefa Kazimî di demeke nêz de dê serdana Washingtonê bike.