???????Nûnerên Rêveberiya Xweser bi Rêxistina Pistgiriya Kurdistanê ya Norwêcê re civiyan

PeyamaKurd – Nûnerên Rêveberiya Xweser, bi Rêxistina Piştgiriya Kurdistanê ya Norwêcê re civiyan û di civînê de êrîş û gefên Tirkiyê hatin gotûbêjkirin.

Li gor zanyariyan, êrîş û gefên Tirkiyê, hedefgirtina sivîlan û planên wê yên guhertina demografiya herêmê rojeva hevdîtinê bûn.

Herwiha peymana di navbera Fînlandiya, Swêd û Tirkiyê ya li dijî gelê Kurd hatibû îmzekirin jî, bû mijara civînê.

Hat zanîn ku şandeya Norwecî nerazîbûna xwe li hemberî vê peymanê nîşan da û piştgiriya xwe bi Rêveberiya Xweser re teqez kir.

Hevseroka rêxistinê Stena Berents ya Swêdî jî destnîşan kir, ew ji ber peymanê şerm dike û got: “Em hewl didin fişarê li Hikumeta Swêdê bikin, da ku li ser hesabê Kurdan û doza wan tawîzan nede Tirkiyê.”

Herî dawî hevseroka şandeyê got, ew ê di çarçoveya piştgiriya Kurdistanê û Bakur û Rojhilatê Sûrî de, karê xwe dewam bikin.