Pasdarên rejîma Îranê kolberê ku desteser kirin bi awayekî hovane kustin

PeyamaKurd – Pasdarên rejîma Îranê li Çaldiranê êrîşî kolberên Kurd kir û kolberekî ji aliyê hêzên Îranê ve hat desteserkirin jî bi awayekî hovane hat kuştin.

Kolbernewsê ragihandiye ku doh 5ê Mijdarê êvarê hêzên pasdarên rejîma Îranê li Herêma Çaldiran a parêzgeha Urmiyeyê êrîşî komek kolber kir û kolberê bi navê Hesen Delayî Mîlan (38) ê xelkê gundê Qaşqablax hatiye desteserkirin û piştre jî bi awayekî hovane hatiye kuştin.

Hîn cenazeyê Hesen Delayî ku 5 gule li ser bedena wî diyar bûne bo malbatê nehatiye radestkirin.

Li aliyê din 4ê Mijdarê jî, li herêma Nesud a parêzgeha Kirmaşan a Rojhilatê Kurdistanê, kolberekî bi navê Sîna Kerem, di êrîşa pasdaran de bi giranî birîndar bû.