Rêveberê Gistî yê Perwerdeya Silêmaniyê dest ji kar berdana xwe ragihand

PeyamaKurd – Midûrê Giştî yê Perwerdeya Silêmaniyê Dilşad Omer ragihand ku ew ê ji wezîfeya xwe ya ku ev 9 sal in dewam dike îstifa bike.

Rêveberê Giştî yê Perwerdeya Silêmaniyê Omer got, "Ez ê reforma xwe ya di nava Tevgera Goran de berdewam bikim û têkoşîna li dijî gendeliyê bidomînim û roja Sêşemê jî ez ê xatirê xwe ji erka xwe bixwazim."

Dilşad Omer derbarê mijarê de ji K24ê re axiviye û gotiye, “Biryar li ser dagîrkirina 182 dekar erd li Dibistana Bilind a Çandiniyê ya Bakrajo û nevegerandina wê bû. Min ev yek pir parast, lê wekî min berê jî got, zevî bi awayekî neqanûnî ji bo veberhênerek di berdêla destek pere de hate dayîn."

“Ji ber vê çewsandina di sektora giştî û perwerdeya taybet de, min biryar da ku di 20ê Adarê de îstifa bikim.” Omer got, “Min her tişt bi Tevgera Goran re çareser kir. Pêşniyar hatiye kirin ku kesekî din li şûna min were destnîşankirin, ji ber ku ev erk erkê Tevgera Goran e û ji bo rûbirûbûna zulma nav tevgerê wê proseya çaksaziyê berdewam bikim.”

Rêveberê Giştî yê Perwerdeya Silêmaniyê beriya niha ragihandibû, ku zeviya 182 decarî ya Dibistana Amadeyî ya Çandiniyê ya Bakrajo, ji bo projeya xaniyan bi biryarnameyeke veşartî ji sermayedaran re hatiye firotin û eger heta 20ê Tebaxê ev biryar neyê betalkirin, ew ê îstifa bikin.