Êrîsa artêsa Ukraynayê ya li ser Kherson û Luhanskê: 26 mirî

PeyamaKurd – Di êrîşên li ser herêmên Kherson û Lûhanskê yên ji aliyê Rûsyayê ve hatine kirin de 26 kesan jiyana xwe ji dest dan û zêdeyî 65 kes jî birîndar bûn. Di encama êrîşan de navendeke bazirganiyê hat rûxandin û gelek avahî jî xisar dîtin. Wezareta Derve ya Rûsyayê ragihand ku ew ê bersiva êrîşên artêşa Ukraynayê bidin

Hat ragihandin ku di êrîşên li ser herêmên Kherson û Lûhanskê yên ji aliyê Rûsyayê ve hatine kirin de 26 kesan jiyana xwe ji dest dane û zêdeyî 65 kes jî birîndar bûne.

Daxuyaniya parêzgarê Xersonê

Parêzgarê herêma Khersonê Vladimir Saldo di daxuyaniyekê de li ser kanala xwe ya Telegramê got: "Artêşa Ukraynayê êrîş birin ser gundê Sadovoye yê herêmê. Di encama êrîşê de navenda bazirganiyê ya ku gel lê diman hat rûxandin."

Saldo diyar kir ku êrîş bi bombeya hewayî ya Fransayê û moşeka HIMARS a Amerîkayê hat kirin, agahî parve kir ku di encama êrîşê de 22 kes mirin û 15 kes jî birîndar bûn.

Saldo diyar kir ku ekîbên xilaskirinê li cihê bûyerê xebatên xwe didomînin û alîkariya tenduristiyê ji birîndaran re hat kirin.

Di êrîşa li Luhanskê de 4 kes mirin, zêdeyî 50 kes jî birîndar bûn

Di daxuyaniya ku ji aliyê rêveberiya Komara Gel a Lûganskê ve hat dayîn de hat diyarkirin ku di êrîşa bi moşekan a li ser bajarê Lûhanskê de 4 kesan jiyana xwe ji dest dane û zêdeyî 50 kes jî birîndar bûne.

Di daxuyaniyê de hat diyarkirin ku di encama êrîşê de avahiyeke 5 qatî hilweşiyaye û nêzî 30 avahî jî zirar dîtine û li cihê bûyerê xebatên lêgerîn û rizgarkirinê dewam dikin.

'Rûsya amade ye bersivê bide'

Berdevka Wezareta Derve ya Rûsyayê Mariya Zaxarova di daxuyaniya xwe de ragihand ku êrîşên li Luhansk û Xersonê ji aliyê artêşa Ukraynayê ve hatine kirin.

Zaxarova got, "Dîsa sûcekî bi xwîn hat kirin. Bê guman kesên ku di bûyerê de cih girtine, wê cezayê ku heq dikin bibihîzin. Hêzên Çekdar ên Rûsyayê amade ne ku di zûtirîn demê de bersiva her sûcê çekdarên Ukraynayê bidin." "

Berdevk Zaxarova tekez kir ku êrîşên bi vî rengî ji aliyê pisporên Amerîkî, Brîtanya û welatên din ên rojavayî ve hatine amadekirin.

Herêmên Donetsk, Luhansk, Zaporizhia û Kherson ên Ukraynayê bi biryarnameya ku di 30ê Îlona 2022an de ji hêla Serokê Dewleta Rûsyayê Vladîmîr Pûtîn ve hat îmzekirin, bi awayekî neqanûnî hatin girêdan.