Êrîsa bombeyî li peravê û otêlê: 32 mirî, 63 birîndar!

PeyamaKurd – Li Mogadîşuya paytextê Somaliyê di êrîşa bombeyî û çekan a ji aliyê Eş-Şebab ve li peravê û otêlekê hat kirin de 32 kes mirin û 63 kes jî birîndar bûn.

Di daxuyaniya ku ji aliyê Berdevkê Polîsê Somalî ve hat dayîn de hat diyarkirin ku endamên El Şebab li Mogadîşuyê êrîşî Lido Beach û Beach View Hotelê kirin.

Di daxuyaniyê de hat destnîşankirin ku li perava ku sivîl lê kom bûne, xwekujekî xwe teqandiye û gelek êrîşkar jî ketine otêlê û gule berdane.

Di daxuyaniyê de hat ragihandin ku di êrîşê de 32 kesan jiyana xwe ji dest dane û 63 kes jî birîndar bûne û hat diyarkirin ku hêzên ewlehiyê tevahiya şevê li dijî êrîşkaran şer kirine.

Hat ragihandin ku El Şebab berpirsyariya êrîşê girte ser xwe.