Rojava: Artêsa Tirk, êrîsî gundên Efrîn û Sehbayê kirin!

PeyamaKurd- Li gorî nûçeyên ku ji aliyê çapemeniya nêzîkî Hêzên Suriyeya Demokratîk (HSD) ve hatin ragihandin, Hêzên Tirkiyê û komên çekdar ên ser bi wê ve 5 gundên navçeya Şêrawa ya Efrînê û 2 gundên herêma Şehbayê bombebaran kirine.

Di nûçeyên hatin belavkirin de hat diyarkirin ku vê êvarê hêzên ser bi Tirkiyeyê 5 gundên Aqîbê, Soxanek, Zirneît, Miyase û Bênê yên navçeya Şêrawa ya Efrînê topbaran kirine û gundên Eyn Deqnê, Bêlûniyê û Balafirxaneya Leşkerî ya Minnixê ya li herêma Şehbayê jî bûne armanca êrîşan.

Li gorî heman nûçeyan, di encama topbaranê de heta niha derdora 545 top li herêmên navborî ketine û xesarên madî li malên şêniyên wan gundan ketine.

Heta niha li ser ziyanên canî û birîndariyan de ji aliyê HSDê ve agahiyeke nehatiye parvekirin û hat zanîn ku hîn jî balafirên kifşê li asîmanên herêmê digerin.

Her wiha hat zanîn ku navendeke hêzên hikûmeta Suriyeyê jî bûye armanca van êrîşan.