Rûsyayê li nexwesxaneya zarokan a li Kîevê xist: Hejmara miriyan zêde dibe

PeyamaKurd – Wezîrê Karên Navxweyî yê Ukraynayê Îgor Klîmenko ragihand ku hejmara kuştiyên êrîşên moşekî yên tund ên Rûsyayê yên li ser welatê wî derket 36an û hejmara birîndaran jî derket 166an.

Wî her wiha diyar kir ku xebatên rakirina mayînan li "Nexweşxaneya Zarokan a Ohmatdit" ya li Kîevê ku êrîş lê hat kirin, dewam dikin.

Klimenko derbarê geşedanên dawîn ên li ser êrîşên moşekî yên Rûsyayê li ser paytexta Ukraynayê Kîev, Krîvî Rig, Dnipro û bajar û bajarokên din ên di saetên rojê de agahî dan.

Klimenko da zanîn, “Li gorî agahiyên berdest li bajarê Kîevê 25 û li herêmên din ên Ukraynayê jî 11 kes mirine 166 kes jî birîndar bûn" û destnîşan kir ku xebatên rakirina mayînan li "Nexweşxaneya Zarokan a Ohmatdît" a li Kîevê ku êrîş lê hat kirin, dewam dikin.

Serokê Ukraynayê Volodymyr Zelenskiy ragihand ku ji ber êrîşa moşekî ya Rûsyayê ya li ser Kîevê, nexweşxaneya zarokan zirar dîtiye.