Sandên Rûsya û Ûkraynayê ji bo muzakereyên agirbestê gihîstin sînorê Belarûsê

PeyamaKurd – Hat ragihandin ku şandên Rûsya û Ûkraynayê di roja 5emîn a êrîşa artêşa Rûsyayê de, li cihekî ser sînorên Belarûs-Ûkraynayê dicivin.

Medya Ûkraynayê eşkere kir ku serokatiya şanda Ûkraynayê Wezîrê Berevaniyê Oleksii Reznikov û serokê partiya Zelensky David Arakhamia dikin.

Aliyê Belarûsê dîmenên cihê hevdîtinê belav kir û li gorî zanyariyên dawî her du şandên Rûsya û Ûkraynayê ji bo muzakereyên agirbestê gihîştine cihê hevdîtinê.

Aliyê Ûkraynayê wek mijara sereke agirbestê û vekişîna hêzên Rûsyayê ji ser axa xwe dide pêş, lê aliyê Rûsî heta niha nediyar e çi mercan dide pêş Ûkraynayê ji ber ku beriya êrîşê jî guhertina deshilatê û ragihandina bêalîbûnê (di navbera Rûsya, NATO û welatên rojava de) xwestibû û niha bi wê deshilatê re rûdine.

Serokê Ûkraynayê doh Yekşemê ragihandibû ku ew hêvîyeke zêde ji hevdîtinê nake, lê şansekî biçûk be jî dixwazin ji bo dawîkirina şer bikar bînin.